Xaçmazda "Rəhbərlərlə ümumi təlimat: prosesə metodoloji və psixoloji aspektdən yanaşma” adlı təlim təşkil olunub. Bu barədə ShimalNews 20 fevral tarixində məlumat verib.
Tədbir DİM-in Xaçmaz Regional Bölməsində təşkil edilib. Təlimdə müxtəlif idarə və təşkilatlarda çalışan imtahan rəhbərləri iştirak ediblər. Təlimçilər imtahan prosesində yaşana biləcək çətinliklər və onların həll yolları, imtahan rəhbərinin psixoloji obrazı, səmərəli ünsiyyət və işgüzar etiket texnikaları, ünsiyyət prosesində stresin idarə olunması texnikaları, həmçinin etik davranış qaydaları mövzularında müzakirə aparıblar.
Tədbirin sonuncu hissəsi praktik situasiyalarla bağlı qarşılıqlı müzakirə formatında təşkil olunub, iştirakçıları maraqlandıran suallar cavablandırılıb.
