Xaçmaz rayonunun icra başçısı Elnur Rzayev könüllülərlə görüşüb. Bu barədə ShimalNews 28 noyabr tarixində İcra Hakimiyyətinə istinadən məlumat verir.
Görüşdə icra hakimiyyətində fəaliyyət göstərən könüllülərin gördükləri işlər barədə ətraflı məlumat verilib. Bildirilib ki, könüllülər daxili nizam-intizam qaydalarına ciddi əməl edərək, verilən tapşırıqları vaxtında yerinə yetiriblər.
Elnur Rzayev dövlət qulluğunda çalışmağın məsuliyyətli və şərəfli olduğunu vurğulayıb. O bildirib ki, İdarə, müəssisə və təşkilatlara cəlb olunmuş könüllülər ictimai işlərdə fəal iştirak edərək təcrübə qazanıblar.
Sonda könüllülərə icra hakimiyyətinin sertifikatları təqdim edilib.
