Xaçmazın icra başçısı Elnur Rzayev Qaraçı kəndində vətəndaşlarla görüşüb. Bu barədə ShimalNews 21 fevral tarixində RİH-yə istinadən məlumat verir.
Qəbulda Qaraçı İnzibati Ərazi Dairəsinə daxil olan Qaraqurtlu, Hacıqurbanoba, Çığatay, Gülalan, Çaxmaqlı, Laman və Qaraqaşlı kəndlərinin sakinləri iştirak ediblər. Onların müraciət və təkliflərini rayon rəhbərliyi, hüquq mühafizə orqanlarının əməkdaşları və xidmət təşkilatlarının məsul şəxsləri dinləyiblər.
Görüşdə iştirak edən sakinlər elektrik təsərrüfatının yenilənməsi, kəndlərarası yolun təmiri, su və kanalizasiya ilə bağlı müraciətlər səsləndiriblər.
