Xaçmazda Heydər Əlirza oğlu Əliyevin 19-cu anım günü qeyd olunub. Bu barədə ShimalNews 12 dekabr tarixində sosial şəbəkələrə istinadən məlumat verir.
"Əbədiyaşar Lider" mövzusunda tədbir Xaçmaz rayon Heydər Əliyev Mərkəzi və Xaçmaz rayon Nərəcan kənd tam orta məktəbinin birgə təşkilatçılığı ilə keçirilib. Mərkəzin direktoru Könül Əskərova, məktəbin direktoru Hüseyn Şıxməmmədov və tarix müəllimi Orxan Sultanov tədbir iştirakçılarına Heydər Əliyevin keçdiyi böyük, mənalı və şərəfli həyat yolundan ətraflı məlumat veriblər.
Sonda tədbirdə xüsusi fəallığa görə məktəb rəhbərliyi və bir qrup məktəbli mərkəz tərəfindən təşəkkürnamə ilə təltif olunub və xatirə şəkilləri çəkilib.
