Xaçmazda “Həmrəyliyimizin Zəfəri” adlı bayram şənliyi təşkil edilib. Bu barədə ShimalNews 28 dekabr tarixində RİH-yə istinadən məlumat verir.
31 Dekabr - Dünya Azərbaycanlılarının Həmrəyliyi Günü və Yeni il bayramı münasibətilə baş tutan bayram icra hakimiyyətinin təşkilatçılığı ilə keçirilib. Elnur Rzayev tədbir iştirakçılarını bayram münasibətilə təbrik edib. İcra başçısı prezident İlham Əliyev tərəfindən mükafatlandırılan Hülövlü İnzibati Ərazi Dairəsi üzrə nümayəndə Fərman Babayevə təltif olunduğu “Tərəqqi” medalını təqdim edib. Bundan başqa, 65 yaşı tamam olan Qusarçay İnzibati Ərazi Dairəsi üzrə nümayəndənin müavini Cəmilə Qurbanova, eləcə də rayonun ictimai, siyasi və mədəni həyatında fərqlənən bir qrup şəxs Elnur Rzayev tərəfindən fəxri fərman və qiymətli hədiyyələrlə mükafatlandırılıb.
Daha sonra Şaxta baba və Qar qız bayram şənliyinə yüksək əhvali-ruhiyyə qatıblar.
[caption id="attachment_34301" align="alignnone" width="640"]
Foto Xaçmaz Rayon İcra Hakimiyyəti (5)[/caption]
