FHN-in Şimal Regional Mərkəzi tərəfindən Xaçmaz rayonunun Ağyazı Buduq kənd tam orta məktəbində təbii və texnogen xarakterli fövqəladə hadisələrlə bağlı təlim keçirilib. Bu barədə ShimalNews 17 dekabr tarixində adı çəkilən quruma istinadən məlumat verir.
Burada məqsəd gənclərin zəruri davranış qaydaları ilə tanış olması olub. Tədbirlərdə fövqəladə halların təsnifatı, yanğınlar, zəlzələ, torpaq sürüşməsi, sel və daşqınlar, ölkəmiz üçün xarakterik olan digər fövqəladə hadisələrlə bağlı geniş məlumat verilib. Bu hadisələr zamanı zəruri təhlükəsizlik tədbirləri barədə ətraflı danışılıb.
Bundan əlavə, FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları nümayiş etdirilib.
