Xaçmazda fermerlər hektarlarla sahədə pomidor əksələr də, məhsullarını sata bilmədiklərini deyirlər.
Baku.tv-nin məlumatına görə, fermerlər deyirlər ki, ötən illə müqayisədə qiymətin aşağı düşməsi tonlarla məhsulun satılmamasına gətirib çıxarıb.
Fermerlər bildirirlər ki, məhsuldarlıq yüksək olsa da, alıcı qıtlığı yaşanır. Ona görə də ziyana düşüblər. “Keçən il pomidor baha idi deyə bu il əkənlərin sayı çoxaldı. Alverçi də, vəzifəli şəxs də pomidor əkir”, – deyə fermer Valeh Mütəllimov söyləyib.
