Xaçmaz Amerika Mərkəzi elektron resurslar xidmətini təqdim edir. Bu barədə ShimalNews 7 fevral tarixində mərkəzə istinadən məlumat verir.
Mərkəzin yaratdığı xidmətdən istifadə etməklə dünyanın 57 ölkəsindən 1200 nəşriyyatın tammətnli, müxtəlif elm sahələrini əhatə edən akademik məzmunlu elektron resurslar bazası “JSTOR”, “EBSCOhost” və “eLibraryUSA”dan yararlanmaq mümkündür. Burada ictimai, humanitar, kompüter, mühəndislik, fizika, kimya, nəqliyyat və s. sahələri əhatə edən jurnalların yerləşdiyi məlumat bazası toplanıb. Həmçinin 72.500-dən artıq tammətnli kitab və broşürlar, yenicə nəşr olunmuş jurnallar elektron formatda yerləşdirilib.
Ünvan:Xaçmaz şəhəri, Heydər Əliyev küçəsi, 6, (Mərkəzi Kitabxana, 2-ci mərtəbə).
