Xaçmazda həmyerlisini şantaj edən şəxsin digər cinayətlər törətməsi məlum olub. Bu haqda bu gün, 27 mart tarixində Shimal.news Lent.az-a istinadən xəbər verir.
Rayon Polis Şöbəsinin əməkdaşlarının apardığı araşdırmalar zamanı A.Əlislamovun əmisinə məxsus ov silahını oğurlaması və qəbiristanlığın həyətindəki ziyarətgahda gizlətməsi, bundan əlavə, həmkəndlilərinə məxsus iki baş iribuynuzlu heyvanı oğurlamaqla zərərçəkmişlərə ümumilikdə 3200 manat ziyan vurduğu məlum olub.
Faktla bağlı cinayət işi başlanılıb. Məhkəmənin qərarı ilə Abdul Əlislamovun barəsində həbs qətimkan tədbiri seçilib.
Daha öncə saxlanılan şəxsin həmyerlisi Kərimovu hədələyərək 3500 manat pul aldığı haqda məlumat vermişdik.
