Xaçmaz rayonu Heydər Əliyev Mərkəzində dəyirmi masa keçirilib. Bu barədə ShimalNews 6 dekabr tarixində mərkəzə istinadən məlumat verir.
"Gender bərabərliyi və Qadın zorakılığına qarşı mübarizə" mövzusunda olan tədbirdə ailə-məişət zorakılığına məruz qalmış xanımlar, Xaçmaz Qadın Resurs Mərkəzində yaradılmış şəraitdən yararlanaraq kiçik bizneslərini quran sahibkar xanımlar iştirak ediblər. Firavan Əmrahova və Könül Əskərova çıxışlarında qadınlara qarşı zorakılıq hallarının birmənalı olaraq ailələrdə böyüyən körpələrdə psixoloji pozğunluğa gətirməyindən və cəmiyyətimizdə sağlam düşüncəli gənclərimizin yetişmələrinə mənfi təsirini göstərməsindən danışıblar. Görüş iştirakçılarına mövzu ilə bağlı videoçarx nümayiş edilib.
Sonda tədbir iştirakçıları Xaçmaz Qadın Resurs Mərkəzinin üzvü və bizneslə məşğul olan xanımların əl işlərindən ibarət sərgiyə baxış keçiriblər.
Tədbir Xaçmaz rayon Heydər Əliyev Mərkəzi və Qadın Resurs Mərkəzinin birgə təşkilatçılığı ilə keçirilib.
