Xaçmazda narkotik vasitələrin qanunsuz dövriyyəsi ilə məşğul olan şəxslər saxlanılıblar. Bu barədə ShimalNews 1 mart tarixində Apa-ya istinadən məlumat verir.
Xaçmaz RPŞ-nin əməkdaşları tərəfindən keçirilən əməliyyat-axtarış tədbiri zamanı rayon sakini Xəyal Əliməmmədov tutulub. Onun üzərindən heroin aşkar edilib. Digər əməliyyat-axtarış tədbirləri zamanı rayon sakinləri A.Teyyubov, M.Teyibov, A.Bayramov və Quba rayon sakinləri X.Gülbalayev, C.Abdullayev, M.Hüseynov saxlanılıblar. Onlardan aşkarlanan heroin və marixuana müsadirə edilib.
Faktlarla cinayət işi başlanılıb və məhkəmənin qərarı ilə Xəyal Əliməmmədovun barəsində həbs, digər şəxslərin barələrində isə polisin nəzarəti altına vermə qətimkan tədbiri seçilib.
