Xaçmazlı məktəblilər Qarabağın maddi-mənəvi sərvətləri haqqında yeni biliklər öyrəniblər. Bu barədə 21 oktyabr tarixində AZƏRTAC xəbər verib.
Xaçmaz Tarix-Diyarşünaslıq Muzeyində Zəfər Günü ərəfəsində məktəblilərin iştirakı ilə keçirilən "Qarabağın tarixi: maddi-mənəvi sərvətləri" adlı tədbir maarifləndirici xarakter daşıyıb.
Şagirdlər Qarabağın tarixi, coğrafi mövqeyi, təbii sərvətləri, mədəni irsi, şair və yazıçıları, musiqisi, korifey sənətkarları və şifahi xalq ədəbiyyatı haqqında yeni biliklər əldə ediblər.
Məruzələr zamanı mövzulara aid foto slaydlar və "Qarabağ milli musiqimizin beşiyidir" adlı videoçarx nümayiş olunub.
