Quba rayonu, Vəlvələ kəndi, yuxarı Məhəllə adlanan hissəsində həm yollar, həm yol kənarları uzun müddətdir bərbad vəziyyətdədir.
Məsələ ilə bağlı Shimal.News-a danışan yerlilərin sözlərinə görə, vaxtilə artezian su xətlərinin çəkilişi zamanı qazılan yollar hələ də təmir olunmayıb.
“Elə o vaxtdan təmirsiz, çala-çuxurla dolu olan yollar həm piyadalar, həm də nəqliyyat vasitələri üçün çətinlik yaradır. Həmçinin avtomobillərimiz bu yollarda zədələnir, cızılır.
Eyni zamanda, yolun kənarları və qaz borularının ətrafı kolluqla əhatələnib. Kolluğun içində həm tullantılar, həm də ilanlar var. Aidiyyəti qurumlardan yolların bərpası, ərazinin təmizlənməsi ilə bağlı tədbir görmələrini istəyirik”,- deyə kəndlilər narahatlıqlarını dilə gətiriblər.
