Qubada Çingiz Mursalov adına Vəlvələ kənd tam orta məktəbinin 264 şagird yerlik yeni binasının açılış mərasimi olub.
ShimalNews İcra Hakimiyyətinə istinadən xəbər verir ki, mərasimdə icra başçısı İlqar Mahmudov, Elm və təhsil nazirinin müşaviri Elnur Əliyev, Quba-Xaçmaz Regional Təhsil İdarəsinin müdiri Coşqun Əliyev, məsul şəxslər, şəhid ailələrinin üzvləri, kənd ziyalıları, müəllimlər və şagirdlər iştirak edib. Onlar açılışı münasibətilə müəllim və şagirdlərə təbriklər deyib, uğurlar arzulayıblar.
Çingiz Mursalov adına Vəlvələ kənd tam orta məktəbinin yeni binası 3 mərtəbəli olmaqla, 21 sinif otağından, akt, idman zalları və mini stadiondan, kitabxanadan, informatika, hərbi hazırlıq kabinetlərindən, laboratoriyadan, bufetdən və digər otaqlardan ibarətdir.
