Sabiq deputat Vahid Əhmədovun oğlu yeni vəzifəyə təyin ediləcək.
Shimal.News məlumat verir ki, Milli Məclisin Hüquq siyasəti və dövlət quruculuğu komitəsinin bu gün keçirilən iclasının gündəliyinə daxil edilən layihəyə əsasən, Zəfər Vahid oğlu Əhmədov Bakı Apellyasiya Məhkəməsinə hakim təyin ediləcək.
Zəfər Əhmədov 6 iyul 2024-cü ilədək Qaradağ rayon prokuroru vəzifəsində çalışıb.
Vahid Əhmədov 2 aprel 1947-ci ildə Qonaqkənd rayonunda (indiki Qubada eyniadlı qəsəbə) doğulub. 2005-ci ildə millət vəkili seçilib. 12-ci çağırış Azərbaycan Respublikası Ali Sovetinin, 3-cü, 4-cü və 5-ci çağırış Azərbaycan Respublikası Milli Məclisinin deputatı olub.
Həmin dövrdə Quba rayonu üçün vacib olan bir çox layihələrin – Quba-Qonaqkənd yolunun çəkilişi, Quba şəhərinin su təchizatı sisteminin yenidən qurulması, yeni məktəb binalarının inşası, kənd sakinlərinin qaza və içməli suya olan tələbatının ödənilməsi, rayonda hava limanının tikintisi və bir çox məsələlərin gündəmə gətirilməsi və icrası işlərində xüsusi xidmətləri olub.
