Quba Rayon Mərkəzi Xəstəxanasının həkim-kardioloqu Hüseynağa Sultanov günlərdir oğlunu axtarır.
Gəmidə həkim kimi fəaliyyət göstərən 33 yaşlı Tural Sultanov itkin düşüb. Turalın ailəsi sentyabrın 27-dən bəri ondan xəbər ala bilmir.
“Valideyn olaraq nə etməli olduğumuzu bilmirik.Oğlumun başına orada nə gəldiyini bizə heç kim izah etmir.
Gözümüz yoldadır, ancaq heç kimdən xəbər yoxdur. Bu, nə göldür, nə çaydır ki, gedib özümüz axtaraq. Necə olur ki, xilasetmə gəmisində, insanların gözü qarşısında biri suya düşür, amma onu xilas edə bilmirlər? Biz valideyn olaraq hələ də ümidimizi itirməmişik - Allahın möcüzələrinə inanırıq. Amma onlar isə deyirlər ki, meyit şişib suyun üzərinə çıxanda görəcəyik”,- deyə Hüseynağa Sultanov bildirib.
Anası Aygün Sultanova oğlunun iyulun sonunda işə getdiyini və avqustun sonunda evə dönməli olduğunu söyləyib. Lakin, avqustun 17-də oğlunun gəmidə olduğu, ad gününü gəmidə qeyd etdiyi bildirilib:
"Bir ay orada olurdu, bir ay evdə olurdu. Sentyabrda dedim, Tural, nə vaxt gəlirsən? Dedi ki, yəqin ki, oktyabra qədər qalacağam".
Aygün Sultanova oğlunun uzun müddət gəmidə saxlanmasını və bu müddətdə baş vermiş hadisələrin müzakirə edilməməsini ciddi narahatlıq doğurduğunu vurğulayıb. O, gəminin içindəki kameraların görüntülərinin göstərilmədiyini və oğlunun itkin düşdüyü hadisə ilə bağlı heç bir rəsmi açıqlama verilmədiyini bildirib.
Ətraflı videomaterialda:
