Azərbaycan Yerüstü Nəqliyyat Agentliyi (AYNA) tərəfindən sərnişindaşıma sahəsində rəqabətli mühitin, marşrutların təhkim edilməsində qanunvericiliyin tələblərinin təmin edilməsi ilə bağlı tədbirlərin davamı olaraq Sumqayıt-Qusar və Quba-Xaçmaz şəhərlərarası avtobus marşrutları üzrə müsabiqələrin qalibləri müəyyən edilib.
AYNA-dan Shimal.News-a bildirilib ki, keçirilən müsabiqənin qalibləri aşağıdakılardır:
- “Sumqayıt-Qusar” marşrutu üzrə fiziki şəxs Aslanov Emin Balakərim oğlu;
- “Quba-Xaçmaz” marşrutu üzrə hüquqi şəxs "Logistics and Transport Services" MMC qalib elan olunublar.
Qeyd edək ki, marşrut xətləri müvafiq qanunvericiliyin tələblərinə uyğun olaraq, AYNA tərəfindən mərhələli qaydada müsabiqəyə təqdim edilir. Məqsəd sərnişindaşıma sahəsində göstərilən xidmətin keyfiyyəti, təhlükəsizliyi və rahatlığının artırılması, həmçinin marşrutların təhkim edilməsində şəffaflığın təmin olunmasıdır.
