Xaçmazda maşını yandırılan sakin öldürülüb.
Shimal.News-un əldə etdiyi məlumata görə, hadisə şəhərin Nəsrəddin Tusi küçəsində qeydə alınıb.
Belə ki, bir gün zərərçəkmiş Qərib Cəbrayılova məxsus maşın yaşadığı evin qarşısında yandırılıb. Müvafiq qurumlara müraciət etsə də, kim tərəfindən yandırıldığı müəyyən edilməyib. Lakin Qərib özü kənd əhli arasında araşdıraraq kimin yandırdığını tapıb. Buna görə sakinlər arasında hadisəni törədən şəxsə qarşı nalayiq söyüş söyüb.
Maşının yanmağından 5 gün sonra həmkəndlisi, təqsirləndirilən Əlipaşa söyüş məsələsini eşidib Qəriblə danışmaq istəyib. Söhbət zamanı Əlipaşa cibində gəzdirdiyi bıçaqla Qəribin ürək nahiyəsindən bir dəfə bıçaqlayıb. Yaralı Xaçmaz Rayon Mərkəzi Xəstəxanasına çatdırılıb. Ürəyindən bıçaqlanan Qərib Cəbrayılovun həyatını xilas etmək mümkün olmayıb.
Sumqayıt Ağır Cinayətlər Məhkəməsində keçirilən iclasda Əlipaşa Cinayət Məcəlləsinin 120.2.2, 120.2.4 və 221.3-cü (xuliqanlıq niyyəti ilə xüsusi amansızlıqla adam öldürmə) maddəsi ilə təqsirləndirilib.
Məhkəmədə ifadə verən Əlipaşa özünü hadisə üzrə təqsirli bilib. Tərəflərin çıxışından sonra hökm oxunub.
Məhkəmənin qərarı ilə Əlipaşa cinayətdə təqsirli bilinərək 17 il müddətində azadlıqdan məhrum edilib.
Qəsdən adam öldürmədə və xuliqanlıqda təqsirləndirilən Əlipaşa barəsindəki hökmdən apellyasiya şikayət verib.
Sumqayıt Apellyasiya Məhkəməsinin qərarına əsasən, apellyasiya şikayəti təmin edilməyib.
