Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri nəticəsində Xaçmaz, Qəbələ, Quba və Göygöl rayonlarının ərazisində qanunsuz şəkildə ağac kömürü istehsal edilən kömür quyuları aşkarlanıb.
Shimal.News məlumat verir ki, araşdırma zamanı kömür istehsalı ilə qanunsuz məşğul olan şəxslərin kimliyi müəyyən edilib. Onlar Xaçmaz rayonundan — Xudat şəhər sakini Nicat Məmmədov, Maqsudkənd kənd sakini Elmir Hüseynov; Qəbələ rayonundan — Vəndam qəsəbə sakini Eldəniz Qocayev; Quba rayonundan — Tülər kənd sakinləri Ceyhun Pənahov, Ruslan Dadaşov, Rustov kənd sakini Mədət Paşayev, Yenikənd kənd sakini Ruhulla Qəhrəmanov; Göygöl rayonundan isə Toğanalı kənd sakinləri Fərhad Məmmədov, Bəhram Bayramov, Məzahir Qurbanov və Rəfail Quliyevdir.
Faktlarla bağlı həmin şəxslər barəsində akt və protokollar tərtib olunub, qanunamüvafiq tədbirlər görülüb. Qanunsuz kömür istehsalı aparılan quyular isə ləğv edilib.
