Su ehtiyatlarından səmərəli istifadənin təmin olunması, alternativ su mənbələrinin yaradılması və həmin mənbələrdən istifadənin genişləndirilməsi məqsədilə Quba, Qusar, Xaçmaz, Şabran, Siyəzən və Xızı rayonlarında maarifləndirici tədbirlər təşkil olunub.
Shimal.News xəbər verir ki, tədbirlər Ekologiya və Təbii Sərvətlər Nazirliyinin, Kənd Təsərrüfatı Nazirliyinin, Dövlət Su Ehtiyatları Agentliyinin nümayəndələrinin, rayon icra hakimiyyətinin məsul işçilərinin, bələdiyyələrin, sudan istifadə edən birliklərin, yerli icra nümayəndələrinin və fermerlərin iştirakı ilə keçirilib.
Görüşlərdə su ehtiyatlarının qorunması, səmərəli idarə olunması və qənaətli istifadəsi, mütərəqqi suvarma texnologiyaların tətbiqi və digər məsələlər barədə geniş fikir mübadiləsi aparılıb.
Diqqətə çatdırılıb ki, əkin sahələrinin suvarılmasında sudan səmərəli istifadə olunması üçün ciddi nəzarət tədbirləri həyata keçirilməlidir.
