Qusar və İsmayıllı rayonlarında meşəlik ərazilərin təmizlənməsi məqsədilə iməclik keçirilib. ShimalNews xəbər verir ki, bu aksiya Ümumrespublika Təmizlik Marafonu çərçivəsində təşkil edilib.
İməcilikdə Ekologiya və Təbii Sərvətlər Nazirliyinin, yerli qurumların, kommunal müəssisə kombinatlarının nümayəndələri və rayon sakinləri iştirak ediblər. Tədbir çərçivəsində meşə ərazilərində yığılan tullantılar təmizlənib, ətraf mühitin qorunması üçün müxtəlif tədbirlər görülüb.
İştirakçılar, meşə ərazilərinin təmizlənməsinin bölgənin ekosisteminə müsbət təsir göstərəcəyini bildirib, bu cür tədbirlərin davam etdirilməsinin vacib olduğunu bildiriblər.
