Şimal bölgəsində yeni təyin olunan direktorlar məktəb kollektivlərinə təqdim olunublar. Bu barədə ShimalNews 21 fevral tarixində Quba-Xaçmaz Regional Təhsil İdarəsinə istinadən məlumat verir.
Elm və təhsil naziri Emin Əmrullayevin müvafiq əmrinə əsasən, Quba, Qusar və Xaçmaz rayonlarının məktəblərinə aşağıdakı direktorlar təyin ediliblər:
Ayna Fleydanlı - Quba şəhər Hikmət Hüseynov adına 4 nömrəli humanitar fənləri təmayüllü məktəb-lisey;
Günel Hacıyeva - Qusar şəhər Elxan Güləliyev adına 2 nömrəli tam orta məktəb;
Kəmalə Sadıxova - Qusar şəhər Tofiq İsmayılov adına 6 nömrəli tam orta məktəb;
Çinarə Şeydayeva - Şabran şəhər Məmmədağa Nəzirov adına 4 nömrəli tam orta məktəb;
Nigar Ələkbərli - Xaçmaz rayonunun Əzizəddin Tahirov adına Köhnə Xaçmaz kənd tam orta məktəbi;
Lalə Qədirova - Xaçmaz şəhər Mehman Babayev adına 1 nömrəli tam orta məktəb;
Fariz Xudarov - Xaçmaz rayonunun Mahmud Əbilov adına Yalama kənd tam orta məktəbi.
