Quba-Xaçmaz regionu üzrə ixtisasartırma təlimləri start alır. Bu haqda 30 mart tarixində Shimal.news xəbər verir.
Təhsil İnstitutunun təşkil etdiyi təlimlər aprelin 1-dən başlanılır. 48 saatlıq ixtisasartırma təlimləri ibtidai təhsil səviyyəsində Azərbaycan dili və riyaziyyat fənləri üzrə keçiriləcək.
Təlimlər sertifikatlaşmada təkrar iştirak edəcək təhsilverənlərə dəstək üçün təşkil edilib. Sertifikatlaşmada yüksək nəticə göstərən müəllimlərin təlimçi kimi fəaliyyət göstərmələrinə şərait yaradılacaq.
Təlimlər ölkə üzrə ümumilikdə 2700-dən çox ibtidai sinif müəllimini əhatə edəcək və 53 təlim mərkəzində təşkil olunacaq.
