Quba-Xaçmaz iqtisadi rayonunda özünüməşğulluq proqramına cəlb olunanların sayı açıqlanıb. Bu barədə ShimalNews 11 fevral tarixində AZƏRTAC-a istinadən məlumat verir.
Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən aztəminatlı ailələrin məşğulluğunun təmin olunması üçün təşkil edilən proqrama 2022-ci il ərzində ümumilikdə 1242 nəfər qatılıb. Onlardan 341 nəfəri Xaçmaz, 439 nəfəri Quba, 228 nəfəri Qusar, 105 nəfəri Siyəzən, 129 nəfəri isə Şabran rayon sakinləridir.
Proqrama cəlb olunanların bir hissəsi şəhid ailələrinin üzvləri və müharibə veteranlarıdır.
