İsmayıllı və Qubadan olan gənclər İnformatika və Alqoritmik düşüncə yarışında iştirak edirlər. Bu barədə ShimalNews 11 dekabr tarixində məlumat verir.
“Bebras” adlanan bu beynəlxalq müsabiqə şagirdlərə informatika, məntiq və riyaziyyat üzrə bilik və bacarıqlarını inkişaf etdirməyə imkan yaradır. Onun maliyyə dəstəyi ölkənin aparıcı korporativ maliyyə institutu - “PAŞA Bank”ın dəstəyi ilə həyata keçirilib. Təşkilatçılığı isə “ÖzünÖyrən” tədris platforması təmin edib.
Ümumilikdə iştirak etmək üçün 270 məktəb qeydiyyatdan keçib. Bu siyahı Bakı, Naxçıvan, Gəncə, Kəlbəcər, Ağdam, Göygöl, Lerik, Cəlilabad, Lənkəran və digər bölgələr də daxil olmaqla 61 şəhər və rayonu əhatə edib.
2-10-cu sinif şagirdləri onlayn formatda 40 dəqiqə ərzində öz yaş qruplarına uyğun müxtəlif əyləncəli tapşırıqların həllini tapmağa çalışıblar. Onlar arasında yüksək bal toplayanlar 2024-cü ildə keçiriləcək müsabiqənin final mərhələsinə dəvət ediləcəklər.
