Xaçmaz, Quba, Qusar, Şabran və Siyəzən Rayon İcra hakimiyyətlərində “2022-ci ildə mülki müdafiə sahəsində görülmüş işlərin yekunları və 2023-cü ildə qarşıda duran vəzifələr” mövzusunda müşavirələr keçirilib. Bu barədə ShimalNews 22 dekabr tarixində Fövqəladə Hallar Nazirliyinə istinadən məlumat verir.
Tədbirlər FHN Şimal Regional Mərkəzinin təşəbbüsü ilə təşkil olunub. Burada adıçəkilən rayonların icra hakimiyyətlərinin və yerli özünüidarəetmə orqanlarının nümayəndələri, eləcə də təhsil müəssisələri və mənzil-kommunal təsərrüfatı təşkilatlarının rəhbərləri iştirak ediblər.
Məsul şəxslər çıxışları zamanı tədbirlərin əhəmiyyətindən bəhs ediblər. Həmçinin mülki müdafiə sahəsində mövcud vəziyyət və çətinliklərin həlli yolları barədə ətraflı məlumat verilib.
Müşavirələrin sonunda mövzu ilə bağlı müzakirələr aparılıb və suallar cavablandırılıb.
