Qubanın Pirvahid kəndində antisanitar vəziyyətin yaranması barədə məlumat vermişdik.
Shimal.News xəbər verir ki, şikayət saytımızda ictimailəşdirildikdən sonra aidiyyəti qurumlar tərəfindən məsələnin həlli istiqamətində müvafiq addımlar atılıb.
Nəticədə, Pirvahid kəndindəki problemli sahə tamamilə təmizlənib, zibillər daşınıb və ətraf mühitin sanitar vəziyyəti bərpa olunub.
Qeyd edək ki, bu cür tədbirlər yalnız Pirvahid kəndi ilə məhdudlaşmamalı, digər kənd və bölgələrdə də analoji halların aradan qaldırılması üçün davam etdirilməlidir. Ətraf mühitin qorunması isə təkcə aidiyyəti qurumların deyil, hər bir vətəndaşın məsuliyyəti olmalıdır.
