Shimal.News-un bir neçə gün əvvəl Qusar şəhərindəki təhlükəli infrastruktur problemi ilə bağlı qaldırdığı məsələ öz həllini tapıb.
Redaksiyamıza daxil olan şikayət əsasında yayımladığımız xəbərdən sonra aidiyyəti qurumlar dərhal hərəkətə keçiblər.
Qusar şəhərində Olimpiya İdman Kompleksi ilə üzbəüz yerləşən və istənilən an aşma təhlükəsi olan hasar sökülüb. Hazırda ərazidə bərpa-təmir işlərinə başlanılıb. Təhlükəli vəziyyətin qarşısını almaq məqsədilə həmin istiqamətdə yol bağlanıb və tikinti prosesi nəzarət altında davam etdirilir.
Məsələnin ictimailəşdirilməsi və vətəndaş narahatlığının gündəmə gətirilməsi nəticəsində problemin qısa müddətdə həllə qovuşması sevindirici haldır.
