Müəllimlərin sertifikatlaşdırma imtahanında Şimaldan olan müəllimlər yüksək nəticə əldə ediblər. Maksimum olan 60 balı isə Xaçmaz rayonu Kazım Gəncəliyev adına Manafoba kənd ümumi orta ümumtəhsil məktəbinin coğrafiya müəllimi Arzu Mövlamova toplayıb.
Shimal.News uğur qazanan müəllimlərin bir qismini təqdim edir:
Xaçmaz rayonu Müşkür kənd tam orta məktəbin coğrafiya müəllimi Orucova Aytəkin - 51 bal;
Xaçmaz rayonu Qobuqıraq kənd ümumi orta məktəbin coğrafiya müəllimi Ələsgərova Günel imtahanda 51 bal;
Xaçmaz rayonu Ağyazı buduq tam orta məktəbin coğrafiya fənni müəllimi Hacıyev İlqar - 57 bal;
Quba rayon Təngəaltı kənd tam orta ümumtəhsil məktəbin coğrafiya müəllimi Ağayev Mərhəmət - 53 bal.
Sertifikatlaşdırma prosesində kimya, biologiya, fizika, coğrafiya, informatika fənlərini tədris edən təhsilverənlər, eyni zamanda ibtidai sinif, Azərbaycan dili və ədəbiyyat, riyaziyyat və xarici dil (ingilis dili, rus dili, Azərbaycan dili (rus bölməsi), alman dili, fransız dili və s.) müəllimləri iştirak ediblər. 120 dəqiqə müddətində 60 sual təqdim edilib. Hər düzgün cavab 1 balla qiymətləndirilib.
Qeyd edək ki, test imtahanında azı 30 bal toplayan təhsilverənlər sertifikatlaşdırmanın müsahibə mərhələsinə keçmək hüququnu qazanacaq.
