Səudiyyə Ərəbistanı Krallığının Azərbaycan Respublikasındakı fövqəladə və səlahiyyətli səfiri İssam bin Saleh əl-Cuteyli Quba və Qusar rayonlarına səfər edib.
Shimal.News xəbər verir ki, səfər çərçivəsində Quba və Qusar rayon mərkəzi xəstəxanalarında yaradılan şəraitlə tanışlıq baş tutub.
Görüşdə Quba Rayon Mərkəzi Xəstəxanasının direktoru Əliyar Sərvərov, Qusar Rayon Mərkəzi Xəstəxanasının direktoru Kamil Həsənov, aidiyyəti üzrə rayon icra hakimiyyətlərinin rəhbərliyi və nümayəndələri iştirak ediblər.
Səfər zamanı tibb müəssisələrində son illərdə aparılan yenidənqurma və modernləşdirmə işləri, tətbiq edilən müasir tibbi yeniliklər, kadr potensialının gücləndirilməsi istiqamətində görülən tədbirlər müzakirə edilib. Tərəflər arasında qarşılıqlı maraq doğuran digər məsələlər ətrafında da fikir mübadiləsi aparılıb.
