"Samur” dövlət sərhəd buraxılış məntəqələrinin genişləndirilməsi, sərhədkeçmə proseslərinin optimallaşdırılması və sürətli keçidin təmin edilməsi məqsədilə bir sıra torpaq sahələrinin dövlət ehtiyacları üçün alınması həyata keçiriləcək.
Shimal.News məlumat verir ki, bununla bağlı Baş nazir Əli Əsədov qərar imzalayıb.
Bu məqsədlə Qusar rayonunun inzibati ərazisində dövlət mülkiyyətində olan 8,27 ha və Samur Bələdiyyəsinin mülkiyyətində olan 2,752 ha torpaq sahəsi olmaqla, ümumilikdə 8,76 ha dövlət mülkiyyətində və 8,282 ha bələdiyyə mülkiyyətində olan torpaq sahələrinin dövlət ehtiyacları üçün alınması nəzərdə tutulur.
Qərara əsasən, bu torpaqları alan məsul orqan Dövlət Gömrük Komitəsi müəyyən edilib.
Komitə qeyd olunan torpaq sahələrinin alınması ilə bağlı hazırlıq tədbirlərini “Torpaqların dövlət ehtiyacları üçün alınması haqqında” qanunun tələblərinə uyğun həyata keçirməli və nəticələr barədə təkliflərini Nazirlər Kabinetinə təqdim etməlidir.
