Bu gün Şahyaylağının Quba rayonu ərazisində lentə alınan görüntülər sosial şəbəkədə müzakirə olunur.
Shimal.News məlumat verir ki, əsrlərdir ki, çobanların öz adət-ənənələrinə sadiq qalaraq, təbiətə uyğun həyat tərzi qurduqları yer ağ örpəyə bürünüb.
Şahyaylaq Azərbaycanın şimalında, Qusar və Quba rayonlarının ərazisinə düşən yüksəkliklərdə Şahdağ Milli Parkının ərazisində yerləşir. Bu yaylaq Şahdağ massivinə yaxın olduğu üçün yerli əhali arasında “Şahdağın yaylağı” kimi də tanınır. Ərazinin hündürlüyü dəniz səviyyəsindən 2500-3000 metr aralığında dəyişir.
Bura gələn çobanlar qışı Hacıqabul, Şirvan, Qobustan, Şamaxı, Şabran və Siyəzəndəki qışlaqlarda keçirirlər. May ayının əvvəllərində Şahyaylaq və onun ətrafı yaylaqlara yola düşürlər və oktyabrın sonuna qədər yaylaqlarda qalırlar.
View this post on Instagram
