Xaçmaz rayon Uşaq-Gənclər İnkişaf Mərkəzinin rəqs dərnəyinin üzvləri "Azeri Open Dance Championship" adlı beynəlxalq rəqs çempionatında uğurla iştirak ediblər.
Shimal.News xəbər verir ki, yarış Azərbaycan Rəqs Assosiasiyası və Azərbaycan Gənclər İttifaqının birgə təşkilatçılığı ilə keçirilib. Mərkəzin rəqs dərnəyinin üzvləri müxtəlif yaş və janr kateqoriyaları üzrə səhnə mədəniyyəti, sinxronluq və bədii təqdimat baxımından yüksək nəticələr göstərərək diplom və medallarla təltif olunublar.
Ümumilikdə Xaçmazlı rəqqaslar iki qrup çıxışı ilə birinci, bir çıxışla ikinci yerə, fərdi çıxışlarda isə iki birinci və bir ikinci yerə layiq görülüblər.
Bu uğur mərkəzin bədii-estetik tərbiyə istiqamətindəki fəaliyyətinin və fədakar pedaqoqların zəhmətinin göstəricisi kimi qiymətləndirilir.
