Qusar Rayon İcra Hakimiyyətinin (RİH) başçısı Sahir Məmmədxanov vətəndaşların səyyar qəbulunu keçirib.
Shimal.News RİH-yə istinadən məlumat verir ki, görüş Sudur kənd İnzibati Ərazi Dairəsinə daxil olan Quturğan kəndində baş tutub.
Kənd sakinləri Həzrə-Sudur avtomobil yolunun yarımçıq qalan 14 km-lik hissəsinin yenidən qurulmasını istəyiblər. Onlar bu yolun rahat gediş-gəlişin təmin edəcəyi və kənd təsərrüfatının inkişaf etdirəcəyini bildiriblər. Eləcə də vətəndaşlar istismara yararsız işıq dirəklərinin yeniləri ilə əvəz edilməsini, qazlaşdırılma işlərin aparılması, gəmiricilərə qarşı dərman preparatları ilə təmin edilməsini və digər məsələlərə köməklik göstərməsini xahiş ediblər.
Sahir Məmmədxanov sakinlər tərəfindən qaldırılan məsələlərlə bağlı aidiyyatı qurumların rəhbərlərinə müvafiq göstərişlər verib, həlli üçün zəruri tədbirlər görüləcəyini bildirib.
