Ən uzunömürlü seçicisi -105 yaşlı Meynaz Maqsudova bələdiyyə seçkilərində iştirak edib.
Bizim.Media-nın məlumatına görə, prezident və parlament seçkilərində fəal iştirak edən 105 yaşlı Şabran sakini bələdiyyə seçkiləri ilə bağlı da seçimini edib.
56 saylı Şabran-Xaçmaz DSK-nın 13 saylı seçki məntəqəsindən onun evinə səs verməsi üçün qutu daşınıb. Ağbirçək Meynaz nənə ona seçki qaydaları izah ediləndən sonra istədiyi namizədə səs verib.
Məlumat üçün bildirək ki, 56 saylı Şabran-Xaçmaz DSK üzrə 53 məntəqə Şabranda, 12 məntəqə isə Xaçmazda yerləşir. Bu məntəqələrdə 7 bələdiyyə üzrə 85 yer uğrunda 170 nəfər namizəd mübarizəyə qatılıb.
