Şabran rayonunun Surra kəndində sel suları kəndin fəxri sayılan ictimai idman zalını yararsız hala salıb.
Shimal.News xəbər verir ki, sakinlərin öz təşəbbüsü ilə tikilən zal təmənnasız fəaliyyət göstərib.
İdman zalının bir hissəsi tamamilə uçub, avadanlıqlar isə istifadəyə yararsız vəziyyətə düşüb. Hazırda kənddə yeniyetmələrin məşq etməsi üçün heç bir yer yoxdur.
Əsasən güləş və boksla məşğul olan gənclər bu zala böyük həvəs və sevgi ilə toplaşır, bir çoxları isə bölgə üzrə yarışlarda uğur qazanırdı.
Kənd sakinləri və idmançılar aidiyyəti dövlət qurumlarına və Gənclər və İdman Nazirliyinə müraciət edərək zalın yenidən bərpa olunmasını istəyirlər.
