Şabranın Məhəmməd Əsədov küçəsində sel qorxusu insanların normal yaşamına imkan vermir.
Bu barədə Shimal.News-a müraciət edən sakinlər məlumat veriblər.
Buna səbəb son dəfə gələn selin Dəvəçi çayının ətrafında həyətyanı sahələri yuyub aparmasıdır.
Sakinlərin sözlərinə görə, çayın səviyyəsi kəskin şəkildə artıb və bir neçə evin həyətinə su dolub. Bundan sonra birdə sel olsa, evlər su altında qala bilər. Aidiyyəti qurumlara bu təhlükənin aradan qaldırılması üçün müraciət olunub. Lakin heç bir tədbir görülməyib.
