Şabran şəhərində 11-ci sinif şagirdinin xəsarət alması barədə məlumat yayılıb.
Tehsil.biz-in məlumatına görə, Quba-Xaçmaz Regional Təhsil İdarəsindən hadisənin bu gün səhər saatlarında məktəbdənkənar ərazidə baş verdiyi bildirilib.
Şabran şəhəri Tofiq Abbasov adına 1 nömrəli tam orta ümumtəhsil məktəbinin 10-cu sinif şagirdi mübahisə zəmnində 11-ci sinif şagirdinə xəsarət yetirib. Həmin gənc tibb müəssisəsinə yerləşdirilib və hazırda müalicəsi davam etdirilir.
Hadisə ilə bağlı hüquq-mühafizə orqanları tərəfindən araşdırma aparılır.
