Şabran şəhərində ağır tüstü və qoxu sakinlərin narazılığına səbəb olur.
Bu barədə Shimal.News-a məlumat verən sakinlər bildiriblər ki, 20 Yanvar küçəsində (Şabrançayın sahilində) Kommunal Təsərrüfat İdarəsinin işçiləri məişət tullantılarını toplayıb zibil poliqonuna aparmaq əvəzinə, həmin ərazidə açıq şəkildə yandırmağa üstünlük verirlər.
Nəticədə havaya yayılan zərərli maddələr uşaqların, yaşlıların və xroniki xəstəliyi olan insanların səhhətinə birbaşa təhlükə yaradır.
Eləcə də tullantıların toplandığı yer Şabrançaya yaxın olduğuna görə, külək və ya digər səbəblərdən tullantılar məcraya düşərək ətrafa yayılır.
