Şabranda əkin sahələri su altında qaldığı üçün taxıl və tərəvəz becərmək mümkün olmur.
Fermerlərin Shimal.News-a verdiyi məlumata görə, onlara dəyən zərər hər il artır:
“Artıq ikinci ildir ki, kanallarda lil və kol-kos yığılıb qalır, bu isə suyun normal axınına mane olur. Əvvəllər ildə 1 dəfə təmizlik işləri aparılırdı. İndi isə baxımsız qalıb. Yağış yağan kimi torpaq su ilə dolur, məhsul isə batıb gedir. Bu vəziyyət belə davam etsə, kəndli tamamilə torpağından əl çəkəcək”.
Hazırda rayon ərazisində qrunt sularının dənizə axıdılması üçün olan kollektor kanallar baxımsız vəziyyətdədir.
