Şabran Rayon Polis Şöbəsinin əməkdaşları tərəfindən keçirilən tədbirlərlə rayon sakini Qubad İslamov saxlanılıb.
Shimal.News məlumat verir ki, həmin şəxsin yaşadığı evə baxış keçirilib. Nəticədə 1 ədəd pnevmatik tapança, 1 ədəd qumbara, 130 ədəd patron, 9 ədəd bıçaq, patron doldurucu, 2 ədəd plastik qabda qırma, gözyaşardıcı qumbaraya aid 48 ədəd sarı kütlə, 3 ədəd portativ qızdırıcı şam aşkarlanaraq götürülüb.
Həmçinin, polis əməkdaşları xidmətdə olarkən rayon ərazisinin yol kənarından 1 ədəd avtomat silah, 1 ədəd patron darağı və 20 ədəd patron aşkar ediblər.
Faktlarla bağlı araşdırmalar davam etdirilir.
