Ölkə ərazisində yağan güclü leysan yağışları nəticəsində Şabrançaya sel gəlib.
Shimal.News xəbər verir ki, hadisə nəticəsində çayın rayon mərkəzindən keçən hissəsində yerləşən fərdi yaşayış evlərinin həyətlərinə su dolub.
Sel suları ərazidə bir sıra evlər üçün təhlükə yaradıb. Sakinlərin verdiyi məlumata görə, çayın səviyyəsi kəskin şəkildə qalxıb və bəzi evlərin zirzəmilərini su basıb. Hazırda təhlükənin aradan qalxmadığı bildirilir.
