Qusar 1 saylı Mediasiya Təşkilatı aidiyyatı üzrə Şabran, Xızı, Siyəzən rayon sakinlərinin İlkin Mediasiya Sessiyalarının keçirilməsi üçün şərait yaradıb.
Shimal.News məlumat verir ki, vətəndaşlar keyfiyyətli mediasiya xidmətinin göstərilməsi və məmnunluğunun təmin edilməsi üçün Şabran rayonu Tofiq Abbasov 8 ünvanında yerləşən ofisinə müraciət edə bilərlər.
Mediasiya mübahisələrin məhkəmədənkənar həlli üsuludur. Mediasiya zamanı tərəflər mediatorun (vasitəçinin) köməyi ilə digər tərəfin mövqeyi barədə daha çox məlumat qazanmaqla, öz mövqeyini yenidən qiymətləndirir və barışmaq imkanlarını araşdırır. Tərəflərin vicdanla yanaşdıqları və mübahisəni həll etməkdə maraqlı olduqları mediasiya proseslərində tərəflərin mübahisəni həll etmələri ehtimalı 85%-dən yüksəkdir.
