Şabran rayonunun Ağbaş kənd sakinləri Samur-Abşeron kanalının kənd ərazisindən keçən hissəsinin ətrafının mühafizə olunmasını istəyirlər.
Onlar bildirirlər ki, mal-qaranı örüş sahələrinə aparmaq üçün hər gün kanalın üzərindəki körpüdən keçməli olurlar. Bu da sakinləri təhlükə ilə üz-üzə qoyur.
“Yayda heyvanları buradan aparmaq daha çətindir. Heyvanlar su istəyəndə özlərini kanala atırlar. Biz əziyyət çəkirik. Körpünün qıraqlarını bağlamaq lazımdır”, - sakinlərdən biri söyləyib.
Samur-Abşeron Kanalının İstismarı İdarəsinin baş mühəndisi Nizam Muxtarov bildirib ki, qurum tərəfindən 2026-cı ilin istismar tədbirləri planı çərçivəsində Taxtakörpü-Ceyranbatan kanalının 115+50-ci piketində yerləşən avtomobil körpüsünün sağ və sol tərəflərində ümumi olaraq 500 metr məsafədə çəpərləmə işlərinin yerinə yetirilməsi nəzərdə tutulur.
