Şabran şəhərinin Heydər Əliyev prospektində, yol kənarında illərdir qurumuş vəziyyətdə qalan bir ağac təhlükə mənbəyinə çevrilib.
Sakinlər Shimal.News-a bildiriblər ki, "ölüm ağacı" adı ilə tanınan bu quru ağacın altında indiyə qədər bir neçə yol-nəqliyyat hadisəsi baş verib. Bəzi hallarda isə qəzalar insan ölümü ilə nəticələnib.
Sözügedən ağac şəhərin sıx nəqliyyat axını olan yolda yerləşir. Sakinlər iddia edirlər ki, quru budaqlar hər an qoparaq hərəkətdə olan avtomobillərin və ya piyadaların üzərinə düşə bilər. Bu barədə aidiyyəti qurumlara dəfələrlə müraciət edilsə də, ağacın kəsilməsi ilə bağlı heç bir tədbir görülməyib. Mövcud olan biganəlik istənilən an yeni faciəyə səbəb ola bilər.
