Dövlət Turizm Agentliyi regionlarda turizm sənayesi nümayəndələrinin rəqəmsal bacarıqlarının artırılması və aqroturizm subyektlərinin inkişaf etdirilməsi məqsədilə maarifləndirmə aparıb.
Shimal.News xəbər verir ki, Quba, İsmayıllı və digər rayonlarda keçirilən təlimlərə 9 bölgədən 226 iştirakçı qatılıb.
Onlar bazar mövqeyinin gücləndirilməsi, rəqəmsal platformalarda peşəkar fəaliyyət, turist məmnunluğunun artırılması məqsədilə ünsiyyət bacarıqlarının inkişafı, aqroturizmlə məşğul olan və bu sahəyə marağı olan şəxslər üçün biznesin təşkil edilməsi standartları kimi mövzularla bağlı bilgiləri mənimsəyiblər.
Prosesin növbəti dövrlərdə ənənəvi və xüsusi vizual materialların dərci olunması ilə davam etdirilməsi nəzərdə tutulur.
