Qubada “Vətən” adlı ədəbi-bədii tədbir keçirilib. Bu barədə ShimalNews 21 dekabr tarixində məlumat verir.
ADPU-nun Quba filialında təşkil edilən tədbir Azərbaycan şairi Ramiz Qusarçaylının “Vətən” poemasının təqdimatına həsr olulub. Tədbirdə Quba RİH-nin başçısı Ziyəddin Əliyev və məsul şəxslər, YAP Quba rayon təşkilatının sədri, AYB-nin və Elmlər Akademiyasının əməkdaşları, rayonun hüquq-mühafizə orqanlarının rəhbərləri, şəhid ailələri, qazilər, şairlər, ictimai fəal insanlar və rayon ictimaiyyətinin nümayəndələri iştirak ediblər.
Qonaqlar Ramiz Qusarçaylının yaradıcılığı haqda danışıblar. Sonda Ziyəddin Əliyev şairi xidmətlərinə görə Quba İH-nin Fəxri Fərmanı və hədiyyə ilə təltif edib.
