Dini Qurumlarla İş üzrə Dövlət Komitəsinin sədri Ramin Məmmədov Qusar şəhəri “Mustafa Kazdal” və Həsənqala kənd məscidlərini ziyarət edib.
Shimal.News xəbər verir ki, komitə sədri din xadimləri ilə söhbətində Azərbaycan Respublikasının Prezidenti cənab İlham Əliyev tərəfindən dinə, dini-tarixi abidələrin qorunub-saxlanılmasına xüsusi diqqət və qayğı göstərildiyini vurğulayıb.
Ölkəmizdə dövlət-din münasibətlərinin ən yüksək səviyyədə tənzimlənməsinə nail olunduğunu, Azərbaycanda bütün dinlərə hörmətlə yanaşıldığını, hər bir dinin daşıyıcısına və millətin nümayəndəsinə bərabər münasibət göstərildiyini deyib.
Daha sonra görüşdə dini maarifləndirmə prosesində din xadimlərinin rolunun artırılması, eyni zamanda dini icmaların və din xadimlərinin fəaliyyəti, qarşılaşdıqları çətinliklər barədə fikir mübadiləsi aparılıb.
