Qusar şəhərində oğul atasını döyüb.
Shimal.News məlumat verir ki, 27 yaşlı Qasım Məmmədov yaşadığı evdə atası ilə mübahisə edib.
Mübahisə zəminində Qasım əvvəlcə atasının üz nahiyəsinə başla zərbə vurub. Daha sonra isə onu yumruqla döyərək bədəninin müxtəlif hissələrinə xəsarətlər yetirib. Hadisə yerinə polis əməkdaşları gəliblər və faktla bağlı cinayət işi başlanılıb.
Qusar Rayon Məhkəməsində keçirilən iclasda tərəflər barışıb. Qasım Məmmədov isə atasına dəymiş ziyanı ödəyib.
Məhkəmə dəymiş ziyan ödənildiyi üçün Qasım Məmmədov barəsindəki cinayət işinə xitam verib.
Qeyd edək ki, adlar şərtidir.
