Qusar rayonu General Mahmud Əbilov adına Şəhər Mərkəzi Meydanında "Nəğməli görüşlər" adlı konsert proqramı keçirilib.
Shimal.News xəbər verir ki, konsert bölgənin zəngin folklor irsini və milli musiqi ənənələrini geniş auditoriyaya təqdim etmək, yerli yaradıcı kollektivlərin fəaliyyətini təşviq etmək, həmçinin rayon sakinləri üçün mənəvi-estetik istirahət mühitini formalaşdırmaq məqsədilə keçirilib.
Konsert proqramında yerli ifaçılar və istedadlı gənc musiqiçilər tərəfindən xalq və bəstəkar mahnıları, rəqs nömrələri, həmçinin instrumental kompozisiyalar təqdim olunub.
Qeyd edək ki, rəngarəng repertuar, canlı ifalar və səmimi ab-hava tədbir iştirakçıları tərəfindən böyük maraq və alqışlarla qarşılanıb.
“Nəğməli görüşlər” adlı bu layihənin yay ayları ərzində mütəmadi olaraq keçirilməsi nəzərdə tutulub.
